وسؤالي للــرجل
هل صحيح أن المرأة لا تحب الرجل المكشوف عاطفيا أم انها تحب ان يغمرها الرجل بالعاطفة والمشاعر وكلام الغزل والحب كثيرا ؟؟أم انها تفضل الحل الوسط وهو اظهار العاطفة بقدر وميزان ؟؟وهل بالفعل تفضل التعبير بالعاطفة العملي أم انها تحب التعبير " النظري " ايضا أم تراها تريد الاثنين ؟؟وهل اذا غمرها الرجل بالعواطف وأراد أن يظهر حبه لها دائما عبر الكلمات يجعلها هذا أقل اهتماما به بمعنى انه خلاص في " الجيب " يعني ؟؟
ما رأيك أنت؟؟هل تفضل الجفاف العاطفي أم الاسراف العاطفي أم التوازن العاطفي ؟؟
وتفضل هنا ليست بمعنى ما تراه
" مناسبا " و" حكيما " بل ما الذي تميل اليه نفسك أنت غريزيا...وهل تؤمن بالفعل لانه لا يجب إظهار العاطفة للمرأة كثيرا والا تكبرت ؟؟
Falling hearts Here
7 comments:
الست تحب اللى يحبها
حتى لو ما كانتش بتحبه مطاردة الرجل وحبه الغامر يخليها تفكر فيه لو اصر انه يجيبها زى ما بيقولوا
الهدايا والتقدير المادى بيهم الست جدا جدا رغم انها ممكن تصبر كثيرا حتى يستطيع ان يفعل ذلك
ليه؟
عشان الست عارفة ان الراجل عملى ومادى بطبيعته وعارفة انه بيحسب كل حاجة بالماديات
فإذا قدرها ماديا دة معناه انه بيحبها ولكن برضه مش كفاية لازم التقدير العاطفى اللى يهمها هى
الست ممكن تفرح بعشر هدايا رخيصة فى السنة أكتر من فرحتها بخاتم سوليتير واحد فى السنة
الست بتحب التكرار والراجل بيحب الكم مش الكيف
يعنى الموضوع كيف تحب المرأة مش كم مرة بتقول بحبك
تحياتى
يا سلام
مفيش حاجة تتقال بعد اللى قالته ياسمين من خلاصة خبرتها فى الحياة
بس انا احب اضيف كمان ان الموضوع مع الست مش بينحصر فى الهدية بس لكن بيمتد لإسلوب تقديم الهدية و مدى الإهتمام اللى الراجل بيديهولها فى الأوقات العادية بغض النظر عن الهدايا
يعنى ماينفعش يتجاهلها او مايهتمش بيها و يعتبر ان لما يغرقها هدايا هى كدة هتحبه
تصدق لسة واخدة بالى ان سؤالك للرجل
بس برضه إحنا لينا فى الموضوع و من حقنا نجاوب
برضه لسة واخدة بالى ان ركزت على موضوع الهدايا و نسيت الشق الأول من الموضوع
"هل صحيح أن المرأة لا تحب الرجل المكشوف عاطفيا أم انها تحب ان يغمرها الرجل بالعاطفة والمشاعر وكلام الغزل والحب كثيرا ؟؟أم انها تفضل الحل الوسط وهو اظهار العاطفة بقدر وميزان ؟؟"
هو كويس ان الرجل يبقى واضح عاطفيا، يعنى الست تبقى فاهمة موقفها معاه، بالنسبة لكلام الحب فيبقى له وقته و الإتزان و الوسطية فى كل شىء مطلوبة، يعنى مش حلو ان الرجل او حتى الست يمشوا يحبوا على نفسهم و فى نفس الوقت الجفاء العاطفى بيبعدهم عن بعض
المفروض ده سؤال للسيدات مش للرجال
انا هرد من واقع تجربتى ومن وجه نظر رجالى ن الست فى الغالب عاوزه واحد يحب فيها ويلاعبها طول النهار الليل مثل قطه صغيره تريد من صاحبها ان يداعب عنقها ووجها ويدلكهما طوال الوقت ، ثم لا نامن فى النهايه خربشه مخالبها لسبب غير معروف او مفهوم
اما التفضيل للجفاف والسراف والأتزان فلكل منا رجل او امراة طبعه وافضليته ومن فضل الله ان يرزق التوافق
الموضوع ده انا اتكلمت عنه فى بوست من شهرين تقريبا بعنوان الرجل فى الاقدام و البنت تكمل عملية الحب كاملة
البنت بظروف تربيتها او ظروف تربية البنات اللى حولها
تعرف انها لها واجبات و حقوق
و للمجتمع قيود
و فى رأيها ظروف اخرى
تجعل تصرفاتها غير محسوبة
بس انا رأى و ان كنت لا اقوم بما فى هذا الرأى بداخل هذا البوست
الموضع بسيط... مش جدا
انت أو أنا عندي مشاعر و كلام و احاسيس و افعال... حاجات كتير ... لازم تخرج لأني أنا هاكون سعيد لو دا حصل ، هاستمتع اني بعمل دا و بدي دا و مش لأي حد دا لشخص واحد بس... ماحدش ممكن يفتي و يدي روشتة مضمونة ف التعامل مع الست
بس ممكن ما نحاولش نحاول ... يعني نسيب الدنيا طبيعي حابب اقولها هاقولها ... حابه تسمع منى أو تاخد بأي شكل أكيد انا كمان نفسي ، لو مش قادر أكيد هانتفاهم ... لأننا بشر لازم نتفاهم
و من الاخر أنا شخصيا هاكون اسعد انسان ف الدنيا لو قادر اكون معاها - قصدي معاها فعلا - طول الوقت و بنحب ف بعض بكل الاشكال... ياريت دا ممكن
يعني انا عن نفسي احب الي يدلعني 24 ساعه في ال24 ساعه حتي لو كان ضحك علي الدقون المهم ان في حد يبقي مهتم بيكي ويبقي عايز يسعدك باي طريقه ممكنه فاظهار الحب حاجه جامده جداااااااااااا
Post a Comment