السلام عليكم و رحمة اللة و بركاتة
عايزة كل واحد يفتح مدونتى اكنة بيفتح قلبة و يكتب كل الى هو عايزة بدون تردد
انا هكتب كلام و انتوا كملوا
الصداقة ____________________________؟
الحنان ____________________________؟
االحب ____________________________؟
الخيانة ____________________________؟
الجواز ____________________________؟
الرجالة ____________________________؟
وقت الفراغ ____________________________؟
الستات_________________________؟
تحديث ....
بناءا على طلب الأستاذ محمد عبد الغفار زودنا الستات عشان مايبقاش تحيز
Falling hearts Here
21 comments:
الصداقة=جيله
الحنان =الحب
االحب لزيز
الخيانة=بشعه
الجواز=مسؤليه
الرجالة=جامدين
وقت الفراغ=قاسي
الصداقة هي روح الحياة
الحنان بلسم يشفي من الجروح
الحب نعمة الله على المحبين
الخيانة دناءه
الجواز حياة جديدة ومسوؤليه
الرجالة مايملاش عينهم الا التراب
وقت الفراغ عملة ذات وجهين
ايه التحيز ده كان المفروض يبقى فى ستات كمان
الصداقة . . . روح الحياه إن وجدت
الحنان . . . مفقود مفقود مفقود
الحب . . . بحبه
الخيانة . . . سكين فى القلب من الظهر
الجواز . . . محدش فاهمه
الرجاله . . . صنائع النساء
وقت الفراغ . . . معرفش يعنى ايه الكلمة دى
الصداقة ----- احلى حاجة في الدنيا ولسة بدور عليها
الحنان ------- موجود بس اللي بيديه مبيحسوش
الحب ------قوة خفية بتحركنا
الخيانة ------ شئ بشع .. بس موجود
الجواز ------ اوعدنا يارب
:)
الرجالة ------ بابا واخويا وزوج المستقبل مش كائن خرافي يعني
وقت الفراغ ------ مش كتير .. بس مطلوب ..
الصداقة أخوة بين غير الأخوة؟
الحنان واحد بيدوس على آلامه عشان يخفف آلام الآخرين ويحس بيهم؟
الحب أنواع وأعلاها الحب في الله؟
الحب في الله 2
الخيانة = الأنانية ونسيان الآخرة؟
الجواز كل اللي فوق ماعدا الخيانة؟
الرجالة أجدع ناس؟
وقت الفراغ لايميني عليه؟
الصداقة شئ صعب اليومين دول بس موجود طبعا
الحنان هبة من الله مش لاى حد
الحب الفة بين القلوب وعلشانه بنعيش حياتنا دا طبعا غير حب الله
الخيانة مش مشروعة
الجواز مشروع فاشل بس ياريت اعمله
الرجالة بيتعبوا بفتح العين
وقت الفراغ ياريت شوية كمان
الستات بيتعبوا بكسر العين
الصداقة : فيتامين الحياة
الحنان والحب : أكسير الحياة
الخيانة : اقسى الآثار الجانبية للحياة
الجواز : سنة الحياة
الرجالة : شر لابد منه .. هههههه
وقت الفراغ : كلمة نسيت معناها
الصداقة / اجمل شى فى الوجود
الحنان / الام
الحب / الحب على الارض بعض من خيلنا لو لم نجدة فيها لاخترعناة
الخيانة / طعنة فى القلب
الجواز / نعمة للى يقدر يفهم معناة
الرجالة والستات // كل واحد فيهم نصف الدنيا ومحدش يقدر يستغنى عن التانى
وقت الفراغ / مميت
أكمل
الصداقة علاقة
الحنان شعور
الحب شعور
الخيانة علاقة
الجواز علاقة
الرجالة ذكور الإنسان
وقت الفراغ مدة زمنية
الستات إناث الإنسان
الصداقة
أثنين أختاروا الصدق طريقاً
الحنان
أم
الحب
صفة يحاول أهل الأرض أنها الأقتناع بأنها موجودة (مع انها موجودة)
الخيانة
منبوذ جزيرة مهجورة
الجواز
أعلي مراتب الحب
الرجالة
لو تعني الذكور فهم مخلوقات الله عز وجل
والرجولة صفة تنعت بها النساء
وقت الفراغ
........................
الستات
صويحبات يوسف
الصداقة اجمل حاجة فى الحياة بس اللى يلاقيها لانها عملة نادرة
الحنان عطاء بلا حدود
الحب انواع بس اهمهم حب الله
الخيانة
ابشع حاجة
الجواز
مشروع جميل بس اللى يفهمه
الرجالة والستات
اتنين بيكملوا بعض
تحياتى
الصداقه ------ الأروع
الحنان------أمنيه
الحب -------أمومه
الخيانه--------- طبع
الجواز--------- سنه حياه
الرجاله----------- فيييين
الستات----------- أكثر أهل النار
الصداقة
تبقي في الله بدون منفعة ولا مصلحة والا فلا
---------------
الحنان
اللي قلبه حي بس هوا اللي بيعطيه
-----------------
الحب
من غيره الحياة تبقي ضلمة
-----------------
الخيانة
واحد باع ضميره
-----------------
الجواز
خير لا بد منه واوعدنا يارب
:)
------------------
الرجالة
في فرق بين الرجالة والذكور
الرجالة دول رجالة
------------------
وقت الفراغ
لازم نملاه بكل ما هو مفيد وممكن نرفه طبعا عن نفسنا بس بلاش معاصي
-------------------
الستات
لو اقتنعوا بفكرة بيكونوا مصممين علي انجاحها وشفتهم وحوش ايام الانتخابات
حاجة تفرح لما بيستغلوا عاطفتهم صح
واه بقي لما يرغوا اجارك الله
:)
إضافة على التحديث
الستات كويسين بس اللي يفهم انهم مش رجالة يستريح جدا
الستات
اجرانا الله
الصداقة:محدش يقدر يستغنى عنها
الحنان:افتقده
الحب:هو فين ده بس
الخيانة:بكرهها
الجواز:لسه بدرى
الرجالة:لو رجالة يبقي قشطة اوى
وقت الفراغ:مفيش اكتر منه
الستات:احسن ناس طبعا
الصداقه .... يعني كوكو كميل زي
الحنان .... اكتر حاجه بحتاجها اكتر من الميه و الأكل
الحب ...... زي الزكاه مش مستني مقابل
الخيانه .... ياه ه ه ه ه ه ه ه
الجواز .... عايز ناس ذو طبيعه خاصه جدا
الرجاله .... زي بالظبط لو شفتي تعريفه الأيام دي
و قت الفراغ .... قاتل قاتل ققاتل
الستات .......... ان جيتي للحق يخنقوا
الستات
نعمة واللي يكرهها يعمى
:D
الصداقه بالنسبالي حاجه كبيره جدا وبحمد ربنا عليهم وبجد منغيرهم معرفش كنت هعمل ايه في حياتي وربنا يخليهم ليا
الحنان شيء قليل اوي ونادرا لما نلاقيه يمكن منكتر قسوتنا انقرض
الحب بقي انا شايفه انه لعبه والي بيعبوها عارفين بس بيضحكو علي نفسهم وبينتهي بنهايتين ييتجوزو وبينتهي الحب يا بينفصلو وبرده بينتهي الحي او بتخلص المباراه
الخيانه قاسيه اوي لما تيجي من القريبين والاقسي منها انك انت الي تعملها في اقرب الناس ليك
الجواز خناق ومشاكل وقرف وخناق مع اني لسه مجربتوش
الرجاله منفوخين علي الفاضي مع ان اقل بنت ممكن توقع اجدع واحد وبرده في رجاله جدعين اوي بس ندره(الرجاله راحو في نكسه67 وجيه زلزال96 خلص علي الباقين)
وقت الفراغ بقي مع السف عندي كتير اوي ونفسي ينقرض
الستات متعبين وبيجيبو وجع الدماغ لنفسهم
السلام عليكم
الصداقه0000مشاركه فضفضه اهتمام اخلاص امانه
الحنان0000000000000000000دفىء حب
الحب 0000000000جميــــــــــــل
الخيانه00000انهيار حسره فقدان ثقه
الجواز مش عارفه بس احس000000حياه حلوه
الرجاله00000000000000000سند امان
وقت فراغ لو فى00000تليفزيون نادى سفر خروج
الستات 000000 يااما ترفع لسابع سماء يااما تنزل لسابع ارض
الصداقة =أصدقائي
الحنان=أمي
االحب= احساس جميل
الخيانة =طعنه خنجر في الظهر
الجواز=بيقولوا استقرار و انا بقول نصيب
الرجالة = عكس الستات
وقت الفراغ = انترنت و خسارة تضييع الوقت
الستات= عكس الرجالة
:)
أهو مفبش اي تحيز
الفكرة عجباني جداااااا
تسلمي يا رب
:)
Post a Comment