كل عام وانتم بخير

أكيد شوفتوا أعلان برنامج عمرو خالد الجديد الى عنوانة الجنة فى بيوتنا البرنامج دة موضوعة حلو اوى لما انا شفتة قعت أفكر فية كتير اوى لقيت ان رمضان خلاص على الأبواب و كل واحد فين يسعى الى فعل الخير لية ميكونش رمضان السنة دى مختلف شوية و نحاول نقرب اكتر من بعض و نوصل صلة الرحم الى مشاغل الدنيا بتخلينا نقع فيها لية منحاوليش ننسى المسلسلات والفوازير و الأكل كفاية باة محنا بناكل طول حياتنا و بنتفرج على مسلسلات على يا جماعة رمضان دة شهر التوبة شهر المودة شهر الحب شهر العبادات شهر الرحمة نحاول مثلا ان نبتدى ببيوتنا الأول كل واحد منا يجيب هدية لكل واحد فى العيلة أمك اولا طرحة جديدة مثلا أبوك سبحة جديدة أخوك شريط أدعية أختك سجادة صلاة زوجتك أيزدال للصلاة جديد أبنك كتاب تعليم الصلاة و أركان الأسلام و بنتك كتاب أدعية وزوجك مصحف جديد ليختم فية القرأن و ممكن كمان توسع دائرة الخير الى خيرانك لو جبت شوية بلح ووزعتها على كل جيرانك كل دة خير و توسع أكتر لو عندك مثلا ملابس قديمة وديها الى اى دار أيتام و يسلام بأة لو كل يوم فى رمضان فطرت واحد من مالك ياة شوف باة لو عملت كل دة شوف هتاخد كام حسنة حاول تنسة هموم السنة كلها فى الشهر دة و عامل زوجتك بما يردى اللة و راعى فيها ربنا نحاول سوى نعمل الحاجات البسيطة دى و نشوف الفرق.

يا رب بلغنا رمضان و أهدنا و يسير حالنا و فك كربنا ورزقنا يا رب يا كريم