رجيم رمضان
الإفطار
طبق شوربة صغير - شريحة من اللحم الخالي من الدهن أو ربع فرخة أو ربع أرنبة أو ما يساوي هذه الكمية من السمك و يستحسن أن تكون مشوية أو مسلوقة فالتحمير يعقد الأمور أمام المعدة الخاوية - طبق خضار مطهو (ني في ني) مع ربع رغيف خبز بلدي - طبق سلطة صغير - برتقالة أو عشر حبات فراولة أو ما يساوي ذلك من أي فاكهة أخرى
السحور
كوب زبادي مع ملعقة عسل أبيض - ست ملاعق فول مدمس مع قطعة توست - قطعة جبن قريش الفول المدمس هو وجبة السحور المحببة لأنه يمكث بالمعدة والأمعاء لفترة طويلة و يقضي على الشعور بالجوع كما أنه يحتوي على الفيتامينات والبروتينات المفيدة ويعطي الطبق منه 270 سعرا حراريا وبطبيعة الحال, فإنه يفضل أن يكون السحور متأخرا أي بعد الثانية عشرا والسنة الشريفة تنصح بتأخير السحور حتى يتمكن الصائم من مقاومة الشعور بالجوع في الأيام الأولى للصيام خاصة بالسحور يجب تجنب تناول الحوادق والتوابل والمخللات والأطعمة الحريفة لأنها تسبب الإحساس بالعطش أثناء الصيام.
الممنوعات في الإفطار
ويقول(د. علي الشحات) أن هناك محتويات يجب الإبتعاد عنها تماما خلال شهر رمضان حتى لا تحدث التخمة أو التقلصات في المعدة و يزيد الوزن و هي: - الأفطار على الماء المثلج وشرب الماء بسرعة ثم الهجوم مباشرة على الأكل دفعة واحدة دون إعطاء الفرصة لتتنبه المعدة. - تناول الأطعمة الدسمة والمحمرات والمسبكات وكل ما يشكل عبئا على المعدة - شرب العصائر والمياه الغازية التي
تؤخر الهضم وتسبب الإنتفاخ
Falling hearts Here
23 comments:
حلو النظام بس الناس في رمضان بتاكل اكتر كل سنه و انت طيب
هااااى اول واحد يعلق
ولعلمكم انا هتابع علشان اعرف ايه حكاية الرجيم ده
لانى شايف ان ده مش ريجيم خالص
وكويس انى شفت الموضوع ده بالليل مش بالنهار علشان انا ريقى جرى مع الموضوع
حاضر هشرب ميه وانتظر قليلا
ثم ..هجوووووم
سورى ..ماطلعتش اول من يعلق
بس برضه طلعت اول واحد
والاخت ايمى هى اول واحده
كل سنةوانت طيبة
اكيد مفيش حد بيعمل الريجيم ده
كله بياكل اللى فى نفسه
انا مقدرش اعمل كده
سلااااااام
يا جماعة انا لما كنت بالعب استغماية زمان كنت باستخبى ورا عمود نور.. دة عشان تعرفوا قد ايه انا رفيع .. و متهيألى انا لو اتبعت النظام الغذائى دة هالاقينى اكتسبت قدرة الاختفاء خلف حبل مدلدل.. أو ربما القدرة على الاختفاء المطلق
انا اللى أقصده ان زى ما بنعمل نظام غذائى للتخسيس .. نعمل نظام غذائى للتتخين عشان الغلابة اللى زيى و ربنا يكرمك و يجعله فى ميزان حسناتك
شكرا على المعلومات ده
أنا كده عرفت إن أنا بعمل كل الممنوعات ده على الفطار
سلام
كلام جميل
كلام معقول
مقدرش افتح بقي عنه
كل سنه و انتم طيبين
و اوعو تكتروا في الاكل و الا..........انتو احرار
هى دى الممنوعات
طب كه م هنفطر خالص
جزاك الله خيراً فينا يا قمر كنت محتاجه رجيم فعلا جميل و مشبع زى ده
تسلم أيدك
صيام مقبول و أفطار شهى
مبارك عليك الشهر
ومشكور على الرجيم
تفطر خفيف
وتسحر خفيف ونام خفيف
حلو الاعتدال
وهذه خطتل لرمضان هذا السنه
والله يوفق المسلمين اجمعين
لا لا لا متقوليش
دا حته الاكل دا كتير اوي
ربع فرخة بحالها عالفطار
وربع رغيف
؟؟؟؟؟
انا هاعيط
ليه كده بس العذاب ده
لا لا ياستي انا ماليش دعوى انا مش عايز ريجيم
تيجي تاكلي معايا؟؟؟
كل سنة وانتي طيبة
رمضان كريم
اتحدي ان معظم الناس بيعملوا عكس المكتوب تماما
رمضان كريم
اتحدي ان معظم الناس ان ما كنش كلهم بيعملوا عكس المتوب تماما
رمضان كريم
رمضان كريم
تحياتي
ده اللى بيعمل ريجيم طول السنة بيكسره فى رمضان وياكل اللى نفسه فيه
كل سنة وانت طيب
شكرا على طريقة الريجيجم دى
بس أنا الحمد لله من غير ريجيم وزنى بينزل لوحده
تحياتى لكى
مشكوره على الريجيم والنصايح القيمه دي..
بس المشكله مش في الريجيم المشكله في اللي يطبّق الريجيم..
طيب النظام ده اكله الاول و بعدين اكل اكلي العادي و ممكن اقول بعد كده استغفر الله ثلاث مرات قوم اية
الاكل الزيادة اللي اكله ميتحسبش
صح و لا مش صح؟
يا متعلمين يا بتوع المدارس
:)))
انتي عارفه يا أحلى عصفوره ايه اللي أحسن من الريجيم؟؟
الحركه..زي ما بيقولوا الحركه بركه..
لأن حتى لو الواحد أكل قليل وماتحرّكش مش هيحرق سعرات يعني عمره ما هيخس
ولو خس هيبقى بالقطّاره
فهيزهق فالنص وييأس ومش هيكمل الريجيم..
وبعدين المفروض ده يكون نظام حياه ان الواحد يتبع حياه صحيه..
بس تقولي لمييييييييين؟؟!!
تحياتي يا قمر
نظام كويس جدا بس اوعدك انى امشى عكسه على طول عشان انا رفيعة :)
كل سنة و انتى طيبة و اشكرك على زيارتك الرقيقة لمدونتى
السلام عليكم. شكرا لزياراتكم المتكررة لمجلتنا, و احنا يسعدنا بجد ان يكون في صداقة و تعاون مشترك بيننا, يا ريت تكتبولنا ايميل نقدر نراسلكم عليه و احنا ايميلنا هو MailE7na@Yahoo.com
www.trateeshkalam.blogspot.com
زعلتيني على نفسى!!
كـل عيـد وانتم بخير واعاده الله عليكم وعلى الامـة الاسـلامية بالخير واليمن والبركات
يااااااااااااااااارب آمــــــــــــين
Post a Comment